Ruben pradeep

   அனைத்து கணக்கு வேலைகளையும் முடித்துவிட்டு, வங்கிக்கு செல்லவேண்டும் என்று தயாராகினேன். நேரம் நண்பகல் 12 ; 30 இருக்கும், வேகமாக சென்று மோட்டார் சைக்கிளை ஸ்டார்ட் செய்தேன். வெயிலின் கொடுமை கண்ணை சுட்டெரித்தது, 'இந்த வெயில்ல எப்பிடி டா போறது,' என சிந்தித்து கொன்டே 'கூலிங் கிளாசை' எடுத்து கண்ணில் மாட்டிக்கொண்டேன். 'அப்பாடா, நல்ல குளிர்ச்சி என சிலாகித்துக்கொண்டு கண்ணை மூன்று முறை சிமிட்டிவிட்டு' சுற்றும் முற்றும் பார்த்து.  'இப்ப தான் நல்ல கூலா இருக்கு' என்று மனதில் நினைத்து கொண்டேன். கூலிங் கிளாசை போட்டவுடன் இன்னும் முறுக்கேறி அழகாகிவிட்டேன், என்ற சிந்தனையில் மீண்டும் வண்டியை ஸ்டார்ட் செய்து வேகமாக போனேன்.  வங்கியை நோக்கி செல்லும் வழியில் சுட்டெரிக்கும் வெயிலில் தாய்மாரும் பெண்களும் மலைகளில் ஏறி ஏறி கொழுந்து பறித்துக்கொண்டிருந்தார்கள். வெயிலின் கோபம் உடலை அழவைத்துக்கொண்டிருந்த நேரத்தில், வெயிலில் கொழுந்து பறிக்கின்ற பெண்களை பார்த்தவுடன் மனமும் அழ ஆரம்பித்தது. இந்நாட்டுக்காக       மழையிலும், கடும்பனியிலும், உக்கிர வெப்பத்திலும் உழைக்கும் எம் மக்களை ந...